Sunday, February 27, 2011

တစ်ချိန်တုံးက အဖြစ်အပျက်များ

အခုတစ်ခါတော့ ငယ်ငယ်က အမှတ်တရဖြစ်မိတဲ့ အကြောင်းအရာ လေးတစ်ချို့ ပြောချင်ပါတယ်။

ပထမဆုံးအမှတ်ရမိတာက လေးတန်းငါးတန်း အရွယ်လောက် တုံးကဗျ။ တစ်ရက်တော့ အတန်းတဲ့က ကျောင်းသား နှစ်ယောက် ကျောင်းပြေးကြတယ်။ ကျောင်းပြေးတယ် ဆိုပေမယ့် သူတို့ နှစ်ယောက်က အတူတူတိုင်ပင်ပြီး ပြေးတာမဟုတ်ဘူး။ ကိုယ့်အစီအစဉ်နဲ့ကိုယ်။ ဖြစ်ချင်တော့ သူတို့နှစ်ယောက်လုံးရဲ့ အစီအစဉ်က တူနေပါလေရော။ ရုပ်ရှင်သွားကြည့်ကြတာလေ။ ဒီတော့ တစ်ယောက်နဲ့ တစ်ယောက်က ရုပ်ရှင်ရုံထဲမှာ တွေ့လာကြတယ်။ အဲပြောရဦးမယ်။ သူတို့နှစ်ယောက်က သိပ်တည့်ကြတာ မဟုတ်ဘူး။ အဲဒီတော့ နှစ်ယောက်လုံးကတော့ တေးထားကြတယ်။ ဆရာမကို သွားချွန်ဖို့ပေါ့။ နောက်နေ့ ကျောင်းလည်း တက်ရော အရင်ဦးတဲ့ကောင်က တိုင်ချင်ဇောနဲ့ ထပြီး

'ဆရာမ ဆရာမ ဒီကောင့်ကို မနေ့က ကျောင်းချိန်ကြီး ရုပ်ရှင်ရုံထဲမှာ တွေ့လိုက်တယ်' လို့ တိုင်ပါလေရော။ အဒီမှာ ဆရာမက ပြန်မေးတယ်။
'နေပါဦး နင်ကရော ကျောင်းချိန်ကြီး ရုပ်ရှင်ရုံထဲ ဘာသွားလုပ်နေတာလဲ' တိုင်တဲ့ တစ်ယောက်တော့ ပါးစပ်အဟောင်းသား နဲ့ မဖြေနိုင်ပါဘူး။ နောက်ဆုံးတော့ နှစ်ယောက်လုံး အရိုက်ခံရတာနဲ့ အဆုံးသတ်သွား ပါလေရော။

နောက်တစ်ခုလည်း ရှိသေးတယ်။ ကျောင်းသားနှစ်ယောက် ရန်ဖြစ်ကြလို့ ဆရာမက ခေါ်မေးတယ်။ ကဲပြော ဘယ်သူက စတာလည်း ဘာဖြစ်လို့ ရန်ဖြစ်ကြတာလဲပေါ့။ အဲဒီ မှာ တစ်ယောက်ကပြောတယ်။
ဒီကောင်က ကျွန်တော့်ကို ဂြိုလ်ကြည့်ကြည့်လို့။ အဲဒီတော့ ဆရာမက ပြန်ပြောတယ်။ နေပါဦး မင်းတို့ ပြောတဲ့ ဂြိုလ်ကြည့် ငါ့ကြည့်ပြစမ်းပါ။ မကြည့်နိုင်ရင်တော့ နှစ်ယောက်လုံး အရိုက်ခံရမယ်တဲ့။ သူတို့လည်း နှစ်ယောက်စလုံး အရိုက်ခံလိုက်ရတာပါပဲဗျာ။

ပြီးတော့ ကျွန်တော်ငယ်ငယ်က တွေးမိတဲ့ အတွေးလေးလည်း တော်တော်ရယ်ရတယ်ဗျ။ အဲဒီတုံးက ကျွန်တော်တို့ ဗွီဒီယို ဇာတ်ကားတွေ ကြည့်ရတာ အသည်းစွဲကြိုက်ပေါ့။ အထူးသဖြင့် နိုင်ငံခြား ဇာတ်ကြမ်းတွေဗျ။ ကျွန်တော်တို့က နယ်မြို့လေးတွေမှာ နေဖူးတာဆိုတော့ အဲဒီမြို့က အဖိုးကြီး တစ်ယောက်ဆို ဒီလိုတောင်ပြောတယ်။

အဘတို့က
ဇာတ်လမ်းဆို ကြမ်းမှ
လက်ဖက်ရည်ဆို ချိုမှ
ဘောလုံးဆို မြောက်မှ တဲ့ဗျ။

အဲဒါထားတော့။ ဇာတ်လမ်း အကြောင်းဆက်ပြောဦးမယ်။ တစ်ခါတော့ ဇာတ်ကား တစ်ကားထဲမှာ မင်းသားက ကြက်ပေါင်ကြော်ကြီးကို ဒီအတိုင်းကိုက်စားပြပါလေရော။ အဲဒီမှာ ကြက်ပေါင်ကြောက်ကိုက်ချင်တဲ့ ရောဂါထပါလေရောဗျာ။ အိမ်မှာက ကြက်သားဆိုလည်း သေးသေးလေးလေးတွေ တုံးပြီး ချက်တာတို့ ကြော်တာ တို့ပဲစားရတာ။ ကြက်ပေါင် အကြီးကြီးကို ကိုက်ချင်တာ အခုဟာက။ အမေ့လုပ်ခိုင်းရင် လည်း မဟုတ်က ဟုတ်က ဆိုပြီး ခေါင်းခေါက်ခံရဦးမယ်။ အဲနောက်ဆုံးတော့ ဆုံးဖြတ်ချက်တစ်ခု ချလိုက်တယ်။ ငါကြီးလို့ အလုပ်လုပ်ပြီး ၀င်ငွေရရင်တော့ ပထမဆုံး လုပ်မယ့် အလုပ်က ကြက်ပေါင်ကြီး ၀ယ်ကိုက်မှာပဲလို့။ အခုတော့ လည်း အဲဒီ အတွေးလေးတွေက ရယ်စရာလေးတွေပေါ့ဗျာ။

နောက်အဖြစ်အပျက်တစ်ခုကတော့ ပါးစပ်ဆော့လို့ တော်တော် ဒုက္ခရောက်သွားတဲ့ သူငယ်ချင်းပါ။ ကျွန်တော်တို့ ငယ်ငယ်က ကျွန်တော်တို့ ဒေသမှာ တော့ သားရေကွင်းက ကလေးတွေ အတွက်တော့ ငွေပဲ။ သားရေကွင်း အများကြီး ပိုင်တဲ့ကောင်က ကလေးတွေထဲမှာတော့ ဗိုလ်ပဲ။ သားရေကွင်းနဲ့ ပတ်သက်ပြီး ကစားနည်းကလည်း မျိုးစုံပဲ။ ကျွန်တော်တို့ အများဆုံးကစားတာကတော့ မြေကြီးပေါ်မှာ စည်းဝိုင်းဝိုင်း ပြီးတော့ ကျောက်ပြားနဲ့ အဲဒီသားရေကွင်းတွေကို စည်းဝိုင်းအပြင်ရောက်အောင် ထုတ်တဲ့ ကစားနည်းပဲ။ တခြားကစား နည်းတွေလည်း အများကြီး ရှိသေးတယ်။ အဲဒီတော့ တစ်ယောက်ချင်းစီမှာ ကျောက်ပြားတစ်ပြားကတော့ သွားလေရာပါတာပဲ။ လမ်းလျှောက်သွားရင်လည်း တစ်ယောက်က ကျောက်ပြားကို ရှေ့ကို ပစ်လိုက် နောက်တစ်ယောက်က အဲဒီ ကျောက်ပြားကို မှန်အောင် လိုက်ပစ်လိုက်နဲ့ ထွေခင်း ပြီးသွားကြတယ်။

တစ်ခါတော့ တစ်ယောက်က ကျောက်ပြားကို ရှေ့အဝေးကြီး ပစ်လိုက်ပြီး ဒီကျောက်ပြားကို မှန်အောင်ပစ်နိုင်တဲ့ သူ သားရေကွင်း တစ်သောင်းပေးမယ် ဆိုပြီး ပါးစပ်ဆော့လိုက်ပါရော။ ကျန်တဲ့ သူငယ်ချင်းတွေလည်း အဲဒီကျောက်ပြားကို ၀ိုင်းပစ်လိုက်ကြတာ ကံကောင်းထောက်မပြီး ကျွန်တော်ပစ်လိုက်တာ မှန်သွားပါလေရောဗျာ။ အဲဒါနဲ့ သားရေကွင်းတစ်သောင်းပေးမယ့် သူ့စကားနဲ့ သူထိတော့တာပဲ။ ဘေးက သူတွေကလည်း ပေးရမယ် ဘာညာနဲ့ ၀ိုင်းညှော်ကြတာပေါ့။ သူ့မှာလည်း သာရေကွင်းတစ်သောင်း ဘယ်လိုလုပ် ရှိမလဲ။ အဲဒါနဲ့ သူ့ခင်ဗျာ ကျွန်တော့်ကို နေ့စဉ် အကြွေးဆပ်ရရှာတယ်ဗျာ။ အခုတွေးမိတိုင်း သူ့ကို သနားမိပါရဲ့။ အဲဒီတုန်းကတော့ ကလေးဆိုတော့ ပျော်တာပေါ့ဗျာ။ ဒါပေမယ့် သူလည်း ကံကောင်းပါတယ်။ ဘာလို့လဲဆိုတော့ သိပ်မကြာခင်မှာပဲ ကျွန်တော်တို့ မိသားစုလည်း အဲဒီမြို့က ပြောင်းလာရတယ်လေ။ သားရေကွင်း တစ်သောင်း ပြည့်အောင် မယူလိုက်ရဘူးပေါ့။

ဒါတွေကကလေးဘ၀က ဖြစ်ခဲ့ ရယ်စရာတွေးစရာ အဖြစ်လေးတွေပေါ့ဗျာ။ အခုအချိန်သာ ရယ်စရာ အဖြစ်ပြောနိုင်တာ အဲဒါတွေက အဲဒီအချိန်ကတော့ တကယ့်ကို serious ပဲဗျို့။ ဒါကြောင့် အခုအချိန်လည်း တွေးမိပါရဲ့။ အခုအချိန်မှာ ဖြစ်နေ့တဲ့ ကိစ္စတစ်ချို့ အကြောင်းအရာတစ်ချို့ နောင်တစ်ချိန်မှာတော့ ရယ်စရာ အဖြစ်နဲ့ ပြန်ပြောနိုင်ဦးမယ် ထင်ပါရဲ့ဗျာ။

ဖေဖ၀ါရီ ၂၀၁၁
မိုးတိမ်ညို

Saturday, February 5, 2011

မိတ်ဆွေ.. သင်ဘယ်အရွယ်ရောက်နေပြီလဲ

တကယ်လို့များ အဲဒီမေးခွန်းကို တစ်စုံတစ်ယောက်ကများ မိတ်ဆွေကို မေးလာရင် မိတ်ဆွေ ကျွန်တော့် အသက်ဘယ်လောက်ဗျ လို့ အလွယ်တကူ ပြန်ဖြေဖြစ်လိမ့်မယ် ထင်ပါ့ဗျာ။ ထားပါလေ။ မိတ်ဆွေ အသက် ဘယ်လောက်ရှိရှိ။ ကျွန်တော်အခုပြောချင်တာ စက္ကန့်၊မိနစ်၊နာရီ၊ ရက်၊ လ၊ နှစ်တွေ ပေါင်းစပ်ထား တဲ့ မိတ်ဆွေရဲ့ အသက်ထက် ပတ်ဝန်းကျင် အခြေအနေတွေအရ မှန်းဆလို့ရတဲ့ အရွယ်အကြောင်း ပြောချင်လို့ဗျို့။

ဒီလိုဗျ။

ကျွန်တော်ငယ်ငယ်က ပထမဆုံးမှတ်မိတာကတော့ အမေတို့ ကျွန်တော်တက်ဖို့ ကျောင်းကို ရွေးတဲ့ အချိန်ပဲ။ ကလေးဆိုတော့ သိပ်တော့ မသိပါဘူး။ လူကြီးတွေကဟိုကျောင်းကောင်းတယ် ဒီကျောင်းမှကောင်းတာ နဲ့ ရွေးကြတဲ့ အချိန်မှာတော့ သြော်ငါကျောင်းတတ်ရမယ့် အရွယ်ရောက်ပါပြီလားလို့ နားလည်မိပါတယ်။

ဒီကြားထဲမှာလည်း အရွယ်တွေ အများကြီး ဖြတ်သန်းခဲ့ရသေးတယ်။ သရေကွင်းတွေနဲ့ ဆော့တဲ့ အရွယ်။ စစ်သားရုပ်ဆော့တဲ့ အရွယ်၊ ကာတွန်းဖတ်တဲ့ အရွယ်၊ ၀တ္ထုတွေဖတ်တဲ့ အရွယ်၊ ဂစ်တာတီးတဲ့ အရွယ် အဲ ကောင်မလေးတွေကို စစိတ်ဝင်စားတဲ့ အရွယ်အဆုံးပေါ့ဗျာ။

ကျွန်တော်ဆယ်တန်းအောင်တဲ့ အရွယ်ကြတော့လဲ ဒီလိုပါပဲ။ အဲဒီအချိန်မှာ ကြားရတာတွေကတော့ ဘယ်သူက တော့ ဘယ်တက္ကသိုလ်လျှောက်နေပြီ။ ဘယ်သူက ဘယ်မှာ။ ဘယ်သူကတော့ စစ်ထဲဝင်သွားပြီ စသဖြင့်ပေါ့ ကြားရတာပေါ့။ အဲဒီတော့ ငါ့အရွယ်က တက္ကသိုလ်တက်ရမယ့် အရွယ်ပါလားလို့ သဘောပေါက်မိပါရဲ့။

ဒီလိုနဲ့ ပဲ ဘွဲ့ရတဲ့ အရွယ်မှာ အပြောဖြစ်ကြဆုံးစကားတွေကတော့ ဘယ်သူက ဘယ်ကုမ္မဏီမှာ အလုပ်ရသွား ပြီ။ ဘယ်သူကတော့ ဘာလုပ်နေပြီ။ စသဖြင့်ပေါ့ဗျာ။ လုပ်ငန်းခွင်ဝင်ရမယ့် အရွယ်ကိုးဗျ။

နောက်လည်း အရွယ်ပေါင်းများစွာကို ဖြတ်သန်းရဦးမှာပါပဲ။ အသက်အရွယ်တွေ ပြောင်းလာတာနဲ့ အမျှ အတွေးအခေါ်အခြေအနေ စိတ်ဝင်စားမှု့တွေက မတူတော့ဘူးဗျ။ ကျွန်တော်ငယ်ငယ်က ရုပ်ရှင်ဇာတ်လမ်း တစ်ခုကြည့်မိတုန်းက အဲဒီကားထဲမှာ မင်းသားက ကြက်ပေါင်ကြောင်အကြီးကြီးကို အားရပါးရ ကိုက်နေတာ ပါတော့ အဲဒီတုန်းကဗျာ အဲလို ကြက်ပေါင်ကြီးစားချင်လိုက်တာ။ အိမ်မှာက ချက်ရင်ဖြစ်ဖြစ်ကြော်ရင် ဖြစ်ဖြစ် သေးသေးလေးတွေတုံးတစ်ပြီးမှ ချက်တာဆိုတော့ အဲလို အခွင့်အရေး မရခဲ့ဘူးလေ။ အဲဒီတုန်းကတော့ အင်း ငါကြီးလာလို့ ကိုယ့်ဝင်ငွေနဲ့ ကိုယ်ရလို့ကတော့ ပထမဆုံး အလုပ်ကတော့ ကြက်ပေါင်ကြော်ကြီး ၀ယ်စားပစ်မှာ ပဲလို့ ကလေးအတွေးနဲ့ တွေးမိတယ်ဗျ။ အခုတော့ ရယ်စရာပေါ့ဗျာ။ ဒါပေမယ့် အဲဒီတုန်းကတော့ တကယ်ကို စိတ်ကူးမိတာ။ ပြောချင်တာက စိတ်ကူးတွေ အတွေးတွေဆိုတာ အသက်အရွယ် အရပြောင်းလဲနေတယ်ဗျ။ တူလည်း မတူသင့်ဘူးကို။ ငယ်ငယ်တုံးက ဒီလိုတွေး ကြီးတော့လည်း ဒီလိုတွေးလို့ တော့ ဘယ်ဖြစ်ပါ့မလဲနော်။

အခုဆိုရင် ကျွန်တော့် အရွယ်ဆိုရင်ဗျာ။ မင်္ဂလာဆောင် ဖိတ်စာတွေ ပလူပျံအောင် ရနေတဲ့ အရွယ်။ ဒါတင် ဘယ်ဟုတ်ဦးမလဲ။ ကလေးတစ်နှစ်ပြည့်တို့ နှစ်နှစ်ပြည့်တို့ ဆိုတာလည်း ကြိုကြားကြိုကြား ပါလိုက်သေး။ အဲဒီတော့ ဘယ်သူမှ မပြောရပဲ သြော် ငါလည်း အိမ်ထောင်ပြုသင့်တဲ့ အရွယ်ရောက်နေပါပြီလားလို့ တွက်မိပါရဲ့။

အဲဒီတော့ဗျာ ငါ့အသက် နှစ်ဆယ်ရှိပြီ သုံးဆယ်ရှိပြီ လေးဆယ်ရှိပြီ ဆိုတာလည်းတွက် ပြီးတော့ ပတ်ဝန်းကျင် အခြေအနေကို ကြည့်ပြီး ကိုယ်ဘာလုပ်သင့်တယ် ဆိုတာလည်း မှန်းဆပြီး လုပ်သင့်တာကို လုပ်ပေါ့။ အဲသူများ တွေကိုပဲ ကြည့်ပြီး လိုက်လုပ်ရမယ်ပြောတာ မဟုတ်ဘူးနော်။ ယေဘူယျ ဆုံးဖြတ်လို့ ရတယ်လို့ ဆိုလိုတာပါ။ ဘာလို့လဲ ဆိုတော့ ကိုယ်က လူ့အဖွဲ့အစည်းထဲမှာ နေတာဆိုတော့ လူတွေနဲ့ လိုက်လျှောညီထွေ အတတ်နိုင် ဆုံးဖြစ်ရင် အကောင်းဆုံးပဲဗျ။

ကျွန်တော့် ဘကြီး အသက် ခြောက်ဆယ်ကျော် ခုနှစ်ဆယ်နားနီး ကို ကျွန်တော်အဲဒီအကြောင်း ပြောပြတော့ အေးဟုတ်ပေသားပဲတဲ့။ မင်းပြောသလိုဆိုရင် ငါရောဘယ်အရွယ်ရောက်နေပြီလဲ သိလားတဲ့။ အေး ငါ့မိန်းမကတော့ နေ့တိုင်းသတင်းစာဝယ်ပြီး ဟောတော့ ဘယ်သူတော့ဖြင့် ဆုံးသွားပြီတော့။ ဟော ဒီတစ်ယောက်က ရှင့်မိတ်ဆွေမဟုတ်လား နဲ့ အားကို မအားရပါဘူးကွာ။ အေးငါကတော့ နာရေးသတင်းတွေ စောင့်ဖတ်နေရတဲ့ အရွယ်ရောက်နေပြီဟေ့တဲ့ ဗျာ။

ကဲဒီလိုဆိုရင် မိတ်ဆွေရော ဘယ်အရွယ်ရောက်နေပါပြီလဲ။

၅၊ ဖေဖ၀ါရီ၊ ၂၀၁၁။
မိုးတိမ်ညို

Visitors

About Me

  © Blogger template 'Perfection' by Ourblogtemplates.com 2008

Back to TOP